最新消息

2023年4月4日

[嚴正聲明]
近兩日接連收到客人查詢,懷疑自己受騙,喺28hse嘅二手買賣posts、透過WhatsApp 聯絡賣家,其電話號碼喺WhatsApp 顯示為商業電話號碼,名為「梳化工房」,客人購買咗啲二手電器、傢俬,但出現沒有送貨 / 聯絡不到該聯絡人等等問題,因其顯示嘅商業資料除電話號碼外都係HAPPYSHOP嘅資料,而且該WhatsApp帳戶同客人對話時亦自稱係HAPPYSHOP,客人搵返我哋之後,知道我哋與此賬戶並無任何關係,客人因此發現疑似受騙,我哋同客人都已報警處理。
由客人提供嘅截圖顯示,此賬戶如上述所講喺28hse 度po咗一啲我哋HAPPYSHOP部份嘅舊貨貨品相片,而佢嘅聯絡電話,喺WhatsApp 度顯示係商業賬戶,賬戶內嘅cover photo同產品相都有我哋HAPPYSHOP嘅logo、(舊)大角咀地址、網站等,明顯地係假冒我哋公司,而呢個賬戶仍然活躍在線,相關客人同我哋都擔心佢仲一直喺度呃緊其他人。
其實咁多年來,網絡上一直都有一啲同我哋「撞名」、「類似名」、「掉轉來寫嘅名」嘅網站,唔同網絡打手嘅留言假資料、假貨品,目的都係想拉客,客人買唔到要嘅嘢,搵返我哋本店呻比人呃咗去所謂「分店」,無奈地我哋可以做嘅好有限,但今次事件涉及欺詐、刑事犯罪,我哋有責任交代返事情,希望支持二手傢俬嘅朋友小心提防,同時,假如你懷疑自己受騙請盡快報警求助。
我哋再次重申:
1)HAPPYSHOP與此商戶[梳化工房]/ 電話號碼[64320483]沒有任何關係;
2)HAPPYSHOP 已於舊年9月搬咗嚟荃灣沙咀道168號形方1208室
3)HAPPYSHOP 只有一間實體店,沒有分店
4)HAPPYSHOP 不會要求客戶入數到個人賬戶,我司嘅商業銀行戶口資料喺官方網站清楚顯示

2016年2月

源頭減廢,有賴舊物回收、翻新工作,煥然一新的「舊物」便能有機會被重用,何煩沒出路而要被直接棄置呢?

2015年11月,我們於 石籬天主教中學 接收了約40-50個舊木圖書架,雖然使用年期長,但我們相信可籍翻新、修復而令它們可被繼續使用!

感激負責是次回收的郭老師,安排學校工友提前將木架由學校裡搬到校內方便停車和搬運的地點,我們的回收同事將一大堆頭的木板分類,架歸架,板歸板,花了不少力氣將兩架頓車填得滿滿。

回到工場後,木架需經過檢查、清理、修補、填縫、打磨,之後才可以開始上油。

每一個翻新木架都需人手處理,單一個便耗了一整天的時間和心機,雖然功夫少不了,但完成品能有出路,尚算達了我們心中的目標呢!


 

HAPPYSHOP © 2024